Wie is Môreson?
Môreson is 'n kinderhuis wat negentig kinders huisves met ouderdomme wat wissel van een maand tot agtien jaar.  Hierdie kinders kom uit omstandighede waar hulle fisieke en emosionele veiligheid bedreig is.  Die kinders word in agt huise versorg met een huisouer vir twaalf tot veertien kinders.  Eden Gemeente is verantwoordelik vir een so 'n huis.

Hoe word die kinders versorg?
Die huise is ontwerp en beplan om soos gewone huise te lyk en funksioneer.  In elke huis woon 'n huismoeder en haar gesin saam met ongeveer 12 kinders.  Die ouderdomme in elke huis wissel van jonk tot oud.
Die sentrale kombuis voorsien middag- en aandetes gedurende die week.  Ontbyt en etes oor naweke word in die huise berei.  Al die maaltye word in die huise genuttig. Klere word voorsien uit die klerestoor.

Hoe kan ek betrokke raak?
Jy kan help deur hulp met huiswerk, aanleer van handvaardighede, gereeld te kom kuier, voorsiening van klerasie, biblioteekdiens en emosionele ondersteuning. Jy kan ook betrokke raak deur skenkings, bv. skryfbehoeftes, toiletware, klere en speelgoed.