Kers-Kombers projek

Ons is besig om ‘n projek te loods waar ons bejaardes in die gemeenskap tydens die Kerstyd kan bedien. Daar is soveel mense wat tydens die Kersseisoen alleen is, sonder familie of vriende. Ons het gedink om dit ‘n lekker kreatiewe projek te maak, waar jy kan betrokke raak EN iets nuuts leer (miskien word dit sommer jou nuwe stokperdjie!) Ons gaan oor die volgende paar maande laslap-komberse maak en vir hierdie mense uitdeel by ouetehuise, versorgingsentrums en aftree-oorde. Jy gaan nie een hele kombers op jou eie hoef te maak nie! Ons gaan jou vra om net ‘n blok of twee saam jou te neem en iets mooi daarop te werk en vir ons terug te bring. As jy wil deel wees van hierdie projek, kontak vir Melissa by die kerkkantoor. As jy enige materiaal by jou huis het wat jy nie gaan gebruik nie, kom laai dit asb vir ons af by die kerkkantoor.