Wie en wat is Kidz@eden
Ons is nie net nog ’n kinderkerk nie, maar ’n kinderbediening waar ons die kinders die Bybel kreatief leer, waar God se waarhede op ’n relevante wyse aangebied word, waar kinders herderlik begelei word, veilig hulleself kan wees en ondersoekend vrae kan vra, waar God se waarhede met pret en opwinding ontdek kan word. Ons visieMet behulp van ’n “hands-on-kurrikulum” en wonderlike medewerkers neem ons die kinders by Kidz@eden op ’n ongelooflike ontdekkingsreis waar hulle gelei word om ‘n persoonlike verhouding met God te hê en toegerus word vir die lewe, sodat hulle weer ‘n verskil in die wêreld kan maak.
Ons fokus
Kidz@eden se hoof fokus is ons Sondagprogram wat aangebied word tydens ons kerk se erediens om 8:30 en 10:00.
Die kinders word hier in onderskeie ouderdomsgroepe bedien nl: Babbelbeertjies (1 - 3 jariges)Groeigoggas (4 – 6 jariges)G-Zone (Graad 1 – 4) M.A.D (Graad 6 – 7)
Ons doel
Kidz@eden se doel is om in ons kinderkerk die koninkryksbeginsel lewendig te maak deur gebruik te maak van verskillende aktiwiteite nl: kreatiewe storievertel, poppekas, video’s, mimiek, drama’s, liedjies, inkleur, opvoedkundige speelgoed ens.
Kidz@eden probeer om by die kinderkerk ’n veilige omgewing vir die kind te skep en ons wil graag ouers ondersteun in hulle verantwoordelikheid om ’n geestelike grondslag te vestig, binne God se tyd, wat sal bydrae tot daardie volgehoue verhouding met Jesus.